first hindi poem---"TaNhaai"

Main tanha hu nahi, koi mere saath hai..
Jise koi paas na chaahe, wo tanhaai mere saath hai.

Rang roop kya hai iska, ye main jaanta nahi,

mehsoos bas kar sakta hu,par dekh sakta nahi.

Kaha se aati hai, kaha chali jaati hai,
Pukaaro dil se agar, to laut bhi aati hai.

apno ke beech hota hu to, kahi gum ho jaati hai ye,
chale jaane par unke, phir aa jaati hai ye.

Nashe ko aur nasheela bana deti hai ye,
dhuae main kahi gum bhi, ho jaati hai ye.

Mazhab jo bhi ho, parwaah ise hai nahi,
kisi ek ka haq, ispe to hai nahi.

Sunti hai baatein saari, kehti kuch hai nahi,
Tumhe iski hai zaroorat, ise tumhaari hai nahi.

Shaayri ki shuruaat karaai, iske liye shukriya,
milenge jaldi phirse, tab tak ke liye takliya...